A literatura galega está chea de historias fantásticas, que nos atrapan porque forman parte da nosa tradición oral e as levamos marcadas nos xenes. Nesa liña, Dragal mestura realismo e fantasía para recrear a historia imaxinaria do último dragón galego e o proceso da súa reencarnación nun mozo do século XXI.

Pero Dragal quixo ir máis aló e, no segundo volume, atopamos os seus alicerces nun dos dragóns mellor "documentados" do mundo, do que achamos referencias no propio Códice Calixtino.

Un dragón condenado á extinción, un famoso alquimista, unha orde de cabaleiros medievais que se conxura para preservar maxia de Dragal e acadar a súa reencarnación no século XXI, unha profecía…...